Hallo, wia goht's?

Hallo, wia gohts - isch Älles gsond,
uire Kender, Katz ond Hond?
- Schau lang nemme g'seah - aber glei wieder kennt,
bisch guat über'n Wenter komma, dir schpannt jo s'Hemd!"

O, was soll i do druf saga:
" Am liabschta guat, i ka et klaga!"
Sag i, wia mir's wirklich goht,
dr Ander bloß ebbes zom Schwätza hot.

Des will doch ernschthaft koaner wissa,
ob mir's guat goht - oder beschissa.
So dua i d'Wohret bei mir b'halta
ond sag:"Wenn's no besser wär,
wär's nemme auszomhalta!"