Dr Euro kommt

Dr Euro kommt - wer ka's verheba,
domit miaßt mir demnächscht leba.
Ob's dr richtig Zeitponkt isch - do ka mr schtreita,
zeiga werdet des dia kommende Zeita!

Viel hot sich g'ändert en de letschte Johr,
manches zom Sega, s'isch wirklich wohr.
Schnell a'gnomma - was vorteilhaft,
sich über s'Alte kaum mei Gedanka g'macht.

Dui Geldomschtellong fällt viele schwer,
de Oane weniger, de Andere mehr.
Es hilft koa beta ond koa schtöhna,
au do dra werdet mir os g'wöhna!

Einiges wurd leichter sei,
do fällt mir glei dr Urlaub ei.
Mr ka glei seah mit einem Blick,
ob's teurer oder billiger isch - a Schtück.

Au d'Firme hen's leichter em Transitverkehr,
schliaßlich geit's sowieso fascht koane Grenza mehr.
D'Italiener, d'Franzosa ond so weiter,
hen s'gleiche Problem - nemmet's au net leichter.

Do miaßt mir oafach durch, s'isch dr Lauf der Zeit,
au wenn mr z'erschta lamentiert ond schreit.
Dean Zug hebt neamer mei - der isch schau naus,
Ende 2001 isch's mit der D-Mark aus!