Zom Neujohr!

S'neue Johr isch do - was es wohl brengt?
Ob älles - was mer sich vornemmt - g'lengt?
Ob's endlich Friede geit - oder an neua Krieg?
Ob dr Schtreit siegt -oder d'Liab?
Ob dr Euro bleibt stabil?
Ob's a Schteuererhöhong geit - ond wenn ja - wieviel?
Ob mer em Lotto mol richtig g'wennt?
Ob der Inhalt vom Geldbeutel emmer schtemmt?
Ob mer g'sond wurd - oder bleibt?
Ob's a aschtändigs Wetter geit?
Egal was kommt - mer muaß s'beschte draus macha,
Ob's zom Heula isch - oder zom Lacha!
Gott sei Dank - goht's do Älle gleich,
s'ka koaner am Schicksal dreha - ob arm oder reich!
En deam Senn wensch i älle Leut:
"Viel Glück ond G'sondheit ond a reacht guate Zeit!"